中北美洲16天自由行 - 哥斯達黎加篇

28 Mar 2018-16 Apr 2018

中北美自由行 - 哥斯達黎加篇

哥斯達黎加 Costa Rica簽證：

BNO免簽證。持有香港特區護照的, 如果護照上有美國簽證(多次)就可以免簽。其餘就必須要簽證。

內陸航空:

今次內陸機選乘 Delta 及 Interjet.

達美Delta
Interjet 
墨西哥航空aeromexico
Copa airline
Volaris airlines

Avianca
Alaskaair

交通:

巴士查詢
哥斯達黎加巴士時間表
Puntarenas 往渡輪碼頭巴士

Puntarenas 渡輪

的士 - 跟南美洲差不多, 除非有咪錶, 否則要先問價再上車。

租車:

公路路況
官方資訊 (西班牙語)
駕駛提示
哥斯達黎加有些景點路況都不是很好, 所以不建議雨季自駕, 雨季路爛, 有可能山泥鬆脫, 引至山邊碎石掉下。 
可能的話租輛四驅車會比較安全。離開車子時, 盡量不要把行李放在車上, 因為網上都有打爛車窗偷行李之說, 而且有人在路邊截車都不要停下來, 尤其是去雲霧森林Monteverde的路上。我哋今次租的是Vamos公司的四驅車, Vamos的網上評語比較好, 而且比較便宜, 租車6天合共455.40美元。

語言:

簡單西班牙語, 英語

貨幣:         

Costa Rican Colón(₡): USD 1 = CRC 533.30, CRC 100 = HKD 1.4
紙幣 ₡1,000 ( “mil” or “un rojo”) 至 ₡50000 , 
硬幣  ₡5(“quinientos” ) - ₡500 
機場的兌換價比較差。當地使用美元和信用咭都相當普遍, 盡量在大型超市或酒店使用美元, 因為兌換價會比較好, 可以買少許東西, 找回來的哥幣就可以使用。
哥斯達黎加的稅費都不少, 餐廳會收13%銷售稅及10%服務稅。當地一般服務都習慣收tips. 柜員機提款限額不多, 而且當地會收取服務費, 務必先向銀行查詢。

緊急聯絡電話 : 

911, 手機 112

上網卡：

SJO機場有售，預付形式，50灘幣左右有500Mb, 用晒可充值，機場的小姐很熟手，連中文字都冇問題。哥斯達黎加好多酒店唔包wifi，建議機場買卡。

機場：

洛衫磯機場(LAX):

第一次坐A350, 坐位是3-3-3的，洛衫磯機場(LAX)落機排隊繞了幾個大圈才到自助報關機，要用護照內的美國簽證果頁來報關，過入境關員很快，但攞完行李又要排隊交報關表，再選擇入境或轉機通道。所以轉機起碼要預一個半小時以上。

LAX 機場有九個Terminal, 等轉機簡直係惡夢，Tom Bradley International Terminal站樓不大，有幾家餐廳，座椅不多，價錢不便宜。要等幾個小時實在唔容易，何況我哋仲要等12個鐘呢，早上十二點左右出機場，租酒店又唔係，因為下午兩三點至可以check in, 八點就走好唔抵， 而且一般包機場接駁的酒店都過千，機場沒有附設酒店。的士及Uber都不便宜，近近哋都要過百大元。

九個站樓的分佈

基於安全理由，機場沒有提供儲物柜，不過好似有私人公司代記存。

機場外有長途巴士FlyAway 去 Long beach, Hollywood等地。有的士站、租車公司巴士站，酒店接駁車站等。

洛杉磯機場三號站樓多是Delta航班。站樓內冇嘢逛，機場都唔靚，進入候機室後都有幾間食肆，不過人很多。
零時搭Delta直航往哥斯達黎加，航程5小時30分左右。
雖然美國安檢都算嚴，但比想像中快。

二三號站樓的離境大堂要在外面的扶手電梯上。

Tom Bradley International Terminal離境大堂過關後非常多食肆商店。

哥斯大黎加機場(SJO):

哥斯大黎加機場不大，外面衹有check in counter, 過關後就有好多食肆。離開哥斯達黎加往墨西哥check in 時需要出示回程機票資料。

行程:

好多香港人係因為睇過“退休地圖”所以知道有哥斯達黎加這個地方，聽落去好適合我，唔洗坐移民監；移民門檻低；最接近大自然的環保國家；人民教育水平高；公共醫療服務好…… 但係經過秘魯及玻利維亞之旅後，我放棄了，因為我真的很怕搭長途機，耐唔耐一次還可以。
而且網上有不少人談論哥斯達黎加泊車後給打爛車窗偷行李及有提醒不要半途停車給截車人等，網上的提示令我感覺治安不是太好，所以有些原本打算轉酒店時經過的旅遊點都取消了，索性改為hea遊中北美洲。
哥斯達黎加有名的包括雲霧森林，溫泉同海灘。我哋會住溫泉酒店，玩森林越野車，行吊橋賞森林, 同埋hea海邊酒店。

Day 1 

第一次搭香港航空, 媽媽話飛機好新, 又試吓。今次出行係復活節假期, 可能人會比較多。由於我係早半年訂酒店, 所以價錢應該同平日差不多。出發前一個月左右睇, 已經好多酒店訂滿。

1200-1025 HX068 由香港飛洛衫磯機場 Los Angeles International Airport (LAX), 直航去程約13小時45分,  回程14.5小時。洛衫磯機場有9個站樓, 網上的機場設施指示都頗詳細。如果轉機等候時間長, 可參考此網站。

由於美國機場的安全檢全查很仔細, 往往要提前好幾小時到達機場, 所以它提供了一個MyTSA App讓旅客查詢等候時間。

本來打算去附近的Automobile Driving Museum 汽車博物館及Flight path learning center & Museum飛行路徑博物館, 但由於要看管着行李, 所以放棄了。

0005由洛衫磯飛住哥斯達黎加機場 Juan Santamaria International Airport (SJO), 直航約5小時40分, 機場有巴士去San José, Alajuela及Heredia, 衹係一美元左右。

Day 2

115km (2h16)            

0640早上抵達哥斯達黎加機場, 首先去機場的Gate 9或行李處 Carousel的 Kölbi ICE購買上網卡, 50蚊港幣左右已經有500Mb, 基本上足夠6天使用， 上網卡一般是用完數據再增值，不是按日數的。由於哥斯達黎加的酒店好多唔包Wifi, 所以最好買定上網卡，慳好多。
機場內有好幾間小餐廳可以食早餐。

當地租車不便宜，所以放棄了大公司，選了VAMOS. 網上口碑不錯。除了幾間大的租車公司於機場有柜枱外，其餘的都需要坐接駁車去攞車。便宜有代價，租車公司的服務員相當好，但車就頗舊，而且冷氣不足，要開快啲或者上斜就要開窗關冷氣喇，對於我這個怕熱怪，真的難受，下次唔貪平喇。

哥斯達黎加有很多火山, 包括最可以靠近的活火山口 Volcán Poás National Park.

(圖片來源: http://www.garrett-ross.com/tours/)

April 13,2017報導: 由於火山開始有些活躍, 所以關閉了。
March 3, 2018報導: 預計火山將於March 24, 2018 至 January 1, 2019重開, 但怕死的我們當然唔冒險啦。最緊要玩得安全。

(圖片來源:  https://costa-rica-guide.com/nature/national-parks/poas-volcano/)

我亦放棄了Tenorio 火山國家公園, 公園有粉藍色的河水及瀑布, 入口位於El Pilón, 園內步行約三至四小時。由於網上傳聞有人會打爛車窗偷行李, 而且我諗該河流應該與冰島的藍湖差不多，唔值得冒險去睇，所以放棄了。基於治安問題, 建議乘坐公共交通工具及選擇公園附近的住宿。

由於是復活節，所以提早幾天電郵酒店報名玩越野車，兩個人一輛車(可以一人一車的, 110美元)，三小時共150美元。

當地使用美元相當普遍，所以無須兌換太多當地貨幣，去Walmart買零食時找回來的都夠用，而且Walmart兌換價一般都比機場好，又唔洗手續費。

由機場去La Fortuna的路都算唔錯，網上博文提醒不要選702公路，很多車子都在這條公路死火。

酒店晚餐，食哥斯達黎加套餐，相當健康。

住宿: Casa Luna Hotel & Spa (酒店upgrade了我們的房間, 相當唔錯, 陽台最靚, 又夠大)

Day 3

7.9km (11m)  

咖啡豆是哥斯達黎加重要產業之一, 雖然佔世界市場很少部分, 但由於法例規定農民必須生產100% Arabica的小果咖啡(阿拉伯咖啡、阿拉比卡咖啡), 所以品質都有保障。原本打算參加

North Fields Coffee Tours (2-3hrs, 30美元) 去體驗咖啡園，但最終都係去左玩越野車。
越野車上斜下坡，再經過水潭，真係幾好玩。幸好佢提供水靴，唔係對鞋都唔洗要喇。由於外國人的靴子較大，建議女仕們要帶備厚襪。

這越野車公司不錯，雖然細細間，但係會派一車跟一車，感覺比較安全。小領隊帶著我們，不時回頭張望，又幫忙拍合照，介紹森林，捉小青蛙等，相當不錯。

紅色小青蛙

 那麼大的鳥巢, 都係第一次見, 而且掛得很低。

領隊捉了一隻小蟻, 示範佢力度, 可以咬起一大片樹葉 。

 蟻坵

 樹膠

返回酒店取行李後再到另一間酒店check in, 這間酒店有9個小溫泉池，算係當地價錢合理的溫泉酒店。

住宿: Arenal Paraiso Resort & Spa (酒店環境很靚, 溫泉都不錯)

Day 4

42km (58m)  

酒店環境相當好，植物都生長得好靚，雖然入住人數不少，但旅客們都相當有禮，唔會霸住個池唔走, 又唔會大聲說話, 所以一般都可以靜靜地享受溫泉。
第一天早上去浸溫泉共看見三隻蜴蜥，有青色的，又有啡色的，有隻仲把尾巴浸在池中呢，真識嘆。

今天浸完溫泉去吊橋公園，看看當地有名的森林。
Mistico Arenal Hanging Bridges Park, 如果打算早入場, 最好預先網上購票, 因為早上最多人。入場費26美元, 園內共22條橋, 行兩至三小時。公園建議遊客穿著行山鞋, 因為途中會經過一些濕滑道路。 我穿了涼鞋, 就要喺門口簽名。
哥斯達黎加的森林, 公園, 海灘及溫泉都是重要景點, 這公園就是從樹頂看森林和鳥類, 好多帶備望遠鏡觀鳥。

進入叢林, 最重要係防蚊, 尤其是雨季, 最好穿著長袖衫長褲, 噴含DEET的蚊怕水及塗上防晒。      

Day 5

165km (3h08) 
今天是復活節, 酒店吃過早餐後就驅車往Puntarenas, 選擇了行142及1號公路。
142公路不是太好, 路上偶然會上有大洞, 要小心駕駛。

這路是沿湖建的, 風景比較好。有些去雲霧森林Monteverde
的都會行這條路。

1號公路路況較好, 但係就好塞車。

第一次入住全包酒店, 包早午晚餐, 全日生果小食及酒吧飲品都任飲任食, 諗吓都開心。酒店還提供一些免費康樂活動, 所以就算唔出去玩, 游吓水, 玩吓康樂活動都唔會悶。

餐廳食物不錯

這是酒店提供的活動之一

以為會變肥豬返嚟, 可能因為生果多, 又甜又好食, 所以都唔係肥左好多返嚟。呢個唔知咩嚟, 酸酸哋幾好味。

聽聞當地的士好貴, 不自駕的旅客可於San José乘巴士往Puntarenas, 再由Puntarenas碼頭乘坐渡輪往南面的Paquera或北面的Naranjo.

由於這酒店要訂三晚才可以選擇餐廳, 所以一日三餐都係自助餐。復活節節目就係浪漫睇日落。酒店每晚9點左右就會有歌舞表演, 看完表演就會去酒吧飲嘢。

住宿: DoubleTree Resort by Hilton Costa Rica (很熱鬧, 環境很好, 可惜沙灘不是很好, 浪大而且沙有點黑, 可能係火山灰。)

Day 6

有時間可以選擇去 Manuel Antonio National Park, 在附近住一晚, 或者去熱鬧的Jacó海灘附近住。今次悠閒之旅放棄了景點, 改喺酒店晒太陽, 衹係去左Puntarenas附近逛。

可能去Paseo de los Turistas的時間不對, 話係步行街, 但頗冷清。上網睇, 路邊有黃色的都不能泊車, 但事實上都泊滿車呢(即使警局就在旁邊),  睇嚟呢道執法都唔係好嚴。我哋驚死, 找個食肆門口泊, 唔食嘢, 俾左少少小費門口果個都已經好開心, 幫我哋睇埋位歡送我哋。

Cruise Port of Puntarenas就在步行街附近, 這個碼頭可以通往海龜島。

        

酒店晚上有family-friendly show, 但係講西班牙語的。

Day 7

103km (1h50)

由Puntarenas去San José有三個收費站, 收費550+720+410col.
如果打算去San José博物館, 請準備長褲及密頭鞋。 Multiplaza Escazu 是個大型購物中心 。由於明天早機, 機場還車又不是24小時, 所以早一日還車, 並選擇機場附近的Hampton Inn & Suites by Hilton, 酒店有24小時接駁車到機場。

哥斯達黎加的特色產品是咖啡, 還有就是木制品。在Walmart竟然找不到有名的Britt咖啡, 機場買好貴。